Regularmente Young Men’s Christian Association (YMCA), tanto esun na Dakota como esun na San Nicolas ta organisa diferente curso pa cushinamento. Pa tur esunnan cu tabata pendiente pa e siguiente curso, tene cuenta cu e siman aki mester inscribi pa por start otro siman ainda den e curso di “Pastry”, “Snacks” y pa cushina “cuminda crioyo”. Tur e cursonan aki ta tuma luga na YMCA Dakota.
Den cuadro di nan “Progressive Education Program”, YMCA ta cuminsa otro siman cu tres diferente curso pa cushina. Ta trata aki di e curso “Pastry pa beginners” cuminsando Dialuna 16 di mei 2016 cu un duracion di 5 siman. E curso lo ta for di 6:30pm pa 9:00pm bou guia di Willem Seferina.
E di dos curso ta pa siña traha Snacks y ta cuminsa Diaranson 18 di mei 2016 cu un duracion di 5 siman. E curso lo ta for di 6:30pm pa 9:00pm bou guia di Willem Seferina.
Fuente: comunicado
E di tres curso, esun mas popular, esta pa siña cushina “Cuminda Crioyo” cu ta cuminsa Diamars 17 dimei 2016 cu un duracion di 5 siman. E curso lo ta for di 6:30pm pa 9:00pm bou guia di Glenn Ridderstap.
Ta bon pa aclaria cu riba e fechanan ariba menciona e cursonan ta start, pues ta invita tur cu ta interesa, pa inscribi prome cu e fecha aki. Inscripcion ta posibel desde dialuna 9 di mei 2016 na YMCA Dakota situa na Calabasstraat 1 of yama 5823072 pa mas informacion.
