Asina a duna di conoce e relacionista publico di Ministerio Publico Ann Angela, na unda tambe el a informa cu e persona aki di inicial P.S a keda liber pero bao condicionnan, ademas e ta sigui keda como sospechoso den e caso aki.
Manera a keda conoci, P.S a keda deteni desde e dia 5 di mei na unda ta sospecha cu e ta envolvi den delitonan di corupcion cu tin relacion cu otorgamento di tereno hunto cu e ex-minister y parlamentario di partido AVP cu na e momentonan aki ta deteni na KIA, Benny Sevinger.
Tambe, mediante informacion di otro medio di comunicacion por a conoce cu ora e persona aki a sali for di KIA famia y siguidonan di e ex-minister Sevinger tabata para pafo pa duna sosten y apoyo, abogado di e persona Demis Illes cu tambe tabata presente a menciona cu Ministerio Publico a pidi schorsing, “desde ayera cu nan a keda cla cu P.S nan a pidi schorsing” Illes a declara.
Di mesun manera, el a indica cu P.S a sali bao condicionnan, igualmente cu e otro personanan sospechoso cu tambe a keda liber dianan pasa na unda nan no mag di papia ni tin contacto cu otro.
