Den un caso di 4 habitante di Saliña Cerca contra un cambio di tereno residencial pa uno comercial, hues atrobe a bati riba dede di gobierno pa mal gobernacion. E habitantenan a pidi corte pa prohibi gobierno di cambia e destinacion di e tereno tanten cu e caso no a tuma luga. Hues a bay di acuerdo, referiendo na e caso di Malmok (Ocean Z) cu ta mustra cu gobierno a frusta husticia husticia. Y tambe cu Pais Aruba a mishi cu e ‘rais’ di e derecho di estado.
Mescos cu den e caso di Ocean Z, hues a dicta den e caso aki cu gobierno mester para e proceso. Tambe corte a impone un multa di 25.000 florin pa cada dia cu no cumpli, te un maximo di 10 miyon florin.
