Potretnan colorido na lama y cu un shimis geel a sirbi pa Salma Hayek celebra su di 54 cumpleaños.

E strea Mexicano a mustra su mes alegre cu motibo di su cumpleaños. El a nace na Veracruz dia 2 di september 1966. “Mi ta hopi agradecido y orguyoso di tur y cada un di mi 54 aña. Danki pa tur e felicitacion, specialmente na mi fanaticonan cu a haci un Instagram special pa mi cumpleaños. Ki regalo!” el a skirbi riba e red social.

Den un di e potretnan, Salma a posa cu lama su tras y cu brasa na laira, mientras den otro el mustra su cara di cerca, mustrando con bon e ta luci. Den menos di un ora, e publicacion di Salma a supera 300mil ‘like’ y a ricibi mas di cinco mil comentario celebrando su beyesa y su bida.

Den varios ocasion Salma a mustra su oposicion na tratamentonan estetico demasiado invasivo. De hecho, e nunca a pone botox ni realisa cirugianan plastico pa contraresta e efecto di tempo. “Mi no ta usa botox, ni peeling, ni filling”, el a declara algun aña atras, bisando cu e secreto tras di su imagen ta usa crema cu un ingrediente special: tepezcohuite. “Mi no ta kere den botox pasobra e ta haci cu bo cara no ta move y ta algo cu tin cu keda haci pa resto di bo bida, y cada biaha tin cu hacie mas y mas.”

Ademas, e ta defensor di e look natural, manera el a mustra den algun publicacion riba Instagram. “Tin biaha mi ta mira mi mes den spiel despues di lanta for di soño y mi ta sinti den mal estado, mahos, y mi ta puntra mi mes, ‘kico a pasa cu mi?’ Pasobra na mi edad, y mientras mas ta enbehece, el look cansa no ta mesun amabel cu tempo cu bo tabata hoben”, el a comenta luna pasa na e revista People en Español. “Tin biaha mi ta haciendo algo y ta mira mi mes den spiel y ta bisa: “Warda, mi no ta mustra asina malo. De hecho, mi ta mustra ‘ardiente’ pa mi edad.” Mi dianan faborito ta esunnan den cual no tin makeup bisti y no ta mirando den spiel, pasobra bo no ta pensando riba bo look, sino bo ta presente y haciendo bo cosnan. Y lo miho di no usa makeup, ta ora bo no ta sinta pensa con bo ta mustra sin makeup, of si bo a lubida di pone makeup. Cuando simplemente bo ta bibando bo bida.”