(AP) — Organisadornan Olimpico a revela ayera nan strategia pa usa inteligencia artificial (AI) den sport, uniendo e rush global pa capitalisa riba e tecnologia cu ta avansando rapidamente.
Comite Olimpico Internacional a delinea su agenda pa saca bentaha di AI. Oficialnan a bisa cu por us’e pa identifica atletanan prometedor, personalisa metodo di training, y haci e Olimpiada mas husto y mehora hurado.
IOC a revela su master plan di AI mientras ta prepara pa tene Olimpiada na Paris, cu ta programa pa cuminsa den menos di 100 dia.
Plan di AI di IOC tambe ta inclui usa e tecnologia pa protege atletanan di acoso online y pa yuda noticieronan mehora e experiencia pa hende mirando na cas. IOC ta gana biyones di dollar door di benta di derecho di transmision pa e weganan.
Algun proyecto di AI ta bay keda lansa na Paris, y IOC a set up un grupo di trabao riba e tecnologia pa duna mas impulso na su adopcion den sport, segun presidente di IOC, Thomas Bach a bisa, sin ta mas specifico.
Organisadornan local di Olimpiada na Paris a genera controversia cu nan plan pa usa AI pa seguridad, cu un sistema di vigilancia di video cu ta inclui camara cu AI pa detecta potencial riesgo di seguridad, manera pakinan bandona of aumento di multitud. Gruponan di vigilancia digital ta teme cu un propuesta pa legalisa sistemanan di vigilancia ‘smart’, hasta si ta temporalmente, lo viola privacidad, maske gobierno Frances ta insisti cu e sistemanan no ta bay usa tecnologia di reconocemento di cara.
Contestando tocante e preocupacion, Bach a bisa reporteronan cu ta keda na autoridadnan di e pais anfitrion, no IOC, pa dicidi riba “e miho herment pa aplica pa sigura e weganan.”
IOC a partner cu Intel pa scout atletanan potencial den luganan cu no ta haya atencion. E compania tecnologico a hiba su ekipo na Senegal, unda nan a bishita cinco pueblo y a analisa e habilidad atletico di mil mucha, door di midi con halto nan por bula y con lihe nan por reacciona.
Usando AI pa analisa e resultadonan, “nos a haya 40 cu ta realmente prometedor,” segun Christoph Schell, CCO di Intel.
Resultado di e muchanan riba e short list a pasa door di un algoritmo cu a recomenda den cua deporte nan lo por ta bon, el a bisa.
Oficialnan Olimpico tambe ta na altura di e riesgonan di AI. Bach a adverti contra permiti machine pa ta e arbitro final di e carera di un atleta hoben. Un persona cu ta “un tremendo atleta den lucha ainda mester tin chens pa hunga tennis y no por descart’e” door di e algoritmonan, el a bisa.
