(NLTimes) – Organisacion di refugiadonan Vluchtelingenwerk a duna gobierno Hulandes un ultimatum.
Sigura cu tin suficiente luga pa solicitantenan di asilo prime cu dia 1 di augustus, of e organisacion lo hiba e caso dilanti corte segun NOS a reporta.
Segun Vluchtelingenwerk, Hulanda ta den violacion di e European Convention of Human Rights
(ECHR). E faltad i espacio na e centronan di asilo ta nifica cu solicitantenan di asilo no tin privacidad, acomodacion decente ni tampoco facilidadnan sanitario limpi, y esaki no ta resultado di circunstancianan cu no por a premira, sino di incapacidad den administracion, e organisacion a declara.
“No tin escasez di solucion pa e falta di espacio aki,” Vluchtelingenwerk a comenta, treciendo dilanti cu Hulanda a logra aregla 50,000 espacio pa e refugiadonan di Ucrania den un periodo mas cortico. E hecho cu Hulanda ta trata e refugiadonan di Ucrania di un manera diferente na e solicitantenan di asilo ta un señal claro di discriminacion, y consecuentemente ta haci e trato aki ilegal segun Vluchtelingenwerk.
Si e localidadnan di recepcion no ta cumpli cu e rekisitonan basico, cual ta un camber pa cada famia, un cama cu matras y clechi limpi, 3 cuminda pa dia y proteccion contra elementonan prome cu dia 1 di augustus, Vluchtelingenwerk lo pone un demanda den contra di e Estado y Central Agency for the Reception of Asylum Seekers (COA).
E problemanan den e centronan di asilo ta mas visibel den e centro di registracion na Ter Apel, unda tur solicitante di asilo mester yega prome pa por entrega nan aplicacion. E idea ta cu despues nan ta bay un centro di asilo pa asina por warda e proceso di nan aplicacion, sinembargo e shelternan ya caba ta yen. Esaki ta mas tanto pa causa di refugiadonan, cual ta solicitantenan di asilo kendenan su aplicacion a keda aproba y tin permiso di residencia na Hulanda, cu no por sali for di e shelter pa causa di e problema di escasez di vivienda na Hulanda.
Como resultado, Ter Apel ta abruma. Durante e ultimo lunanan, solicitantenan di asilo hopi biaha mester a drumi riba stoelnan den areanan di espera. Cruz Corsa a trece tent varios biaha pa preveni cu hendenan mester drumi pafo. Otro centronan di emergencia a ser habri den e pais, pero esakinan ta keda comproba cu no ta suficiente.
Secretario di estado responsabel pa esaki, Eric van der Burg a anuncia riba diaranson cu e gobierno tin plan di habri un di dos localidad di registracion na Noordoostpolder cu un espacio pa 250 pa 300 persona. Sinembargo segun NRC, e municipalidad di Noordoostpolder ta rotundamente contra esaki.
E centro di registracion lo habri na Bant unda cu tin 1,300 residente, rond di un centro di asilo cu ya caba ta existi den e centro di e bario Luttelgeest cu 2,700 residente. Segun e municipalidad, no tin sosten entre e localnan pa e apertura di e centro di registracion aki.
Fuentenan a conta NRC cu si Noordoostpolder no keda di acuerdo pa habri e centro di registracion, e gobierno nacional ta prepara pa forsa esaki.
