Durante prome reunion pa trata presupuesto di aña 2018 tabatin enfoke riba e orden den sala di parlamento y tambe e respet pa miembronan di parlamento di parti di publico presente.
Despues di lansa un cantidad grandi di preguntanan pa ministernan riba e presupuesto cu a keda entrega e luna aki pa aña 2018 reunion a tuma luga unda pa prome biaha den par di luna tabatin acogida grandi di publico.
Aki presidente di parlamento Ady Thijsen (MEP) mester a pone ordo varios biaha y demostra cu e tin e autoridad pa saca personanan den publico di parlamento en caso cu no cumpli cu reglanan di orden y respet.
Aunke sr. Thijsen a expresa cu su intencion no ta pa bay asina leu, el a subraya cu e parlamento number 10 ta tene reglanan di respet sumamente na halto.
