(NLTimes) – Prome Minister di Hungria Viktor Orbán a señala e posibilidad cu e por sostene ex Prome Minister Hulandes Mark Rutte como e proximo secretario general di NATO.

Orbán a bisa cu si Rutte kier su sosten, e lider Hulandes mester keda di acuerdo na un manera cu Hungria por permanece na banda den Rusia su conflicto cu Ucrania si NATO involucra su mes. El a haci yamado na Rutte pa pidi despensa pa e comentarionan cu el a haci en añanan recien, e lider politico a bisa den un entrevista cu revista di noticia di Hungria Mardiner.

E secretario general actual, ex Prome Minister di Noruega Jens Stoltenberg, ya caba a bisa cu e tin plan di retira e aña aki. Rutte y president di Romania Klaus Iohannis ta e ultimo dos candidato pa e trabao, cual ta rekeri sosten unanime di tur miembro di NATO.

“Hungria tin 2 exigencia contra Prome Minister Rutte. Un ta tocante honor y e otro ta un exigencia politico militar,” Orbán a bisa. “Nos no por sostene un secretario general di NATO cu ta boga pa e participacion di tur estado miembro den operacionnan militar fuera di e aliansa y bisa cu esaki ta obligatorio.”

“Nos lo kier conclui un acuerdo cu e secretario general futuro cu nos lo mantene nos miembresia pero nos no kier participa den accion militar fuera di teritorio di NATO, nos mester tin e opcion aki. Legalmente, nos tine, pero nos ta premira pa ser declara como un posicion popular, politicamente acepta.”

Adicionalmente, Orbán a exigi pa Rutte pidi despensa pa comentarionan negativo cu el a haci den pasado tocante Hungria den disputanan anterior. Aparentemente el tabata papiando tocante ora e Parlamentario Hulandes a critica Orbán den 2021 como parti di su condena na Hungria su leynan estricto contra minorianan sexual y generonan diverso. Rutte te hasta a sugeri cu e Union Europeo mester considera saca Hungria afo di e bloke si nan no cumpli cu e union su posicion riba derechonan humano y igualdad pa tur hende den tur estado miembro.

“Pa loke ta trata honor, no tin politico di occidente na Hungria cu un reputacion pio cu esun di Mr. Rutte. E tin dos frase cu Hungria no lo pordone. Prome, el a bisa cu nos pais mester keda exclui for di e Union Europeo y despues cu Hungria mester pidi pordon,” Orbán a acusa.

“E ocupadornan Aleman y Stalin a bisa cu sin importa loke e pais kier, algun decision mester ser tuma y obliga nan cu forsa si esaki ta necesario,” Hungria su lider a nota, señalando e situacionnan compleho cu su pais a lidia cune den pasado.

Ora cu Hungria a anuncia su intencion di introduci leynan estricto cu ta limita imagennan den publico di cualkier cos cu ta homosexual of transgenero, Rutte a cuestiona Hungria su futuro den e Union Europeo. “Oeora nan no tin nada di haci den e Union Europeo segun ami,” Rutte a bisa na Brussels den juni di 2021.

Te cu awo, Iohannis tin e sosten solamente di Slovakia y Hungria, Te cu awo, Orbán a bisa “nos ta sostene Romania.”

Rutte tin e sosten di 29 aliado di NATO, incluyendo Merca, Reino Uni, Alemania y Francia. Mas recientemente, el a logra ricibi sosten di Turkia despues di paga personalmente pa bishita e President Recep Tayyip Erodgan na Ankara.

Tin rumornan cu e miembronan di NATO tin e intencion di yega un trato cu lo ser anuncia durante e siguiente cumbre di NATO na Washington D.C. cuminsando dia 9 di juli. Tambe e lo marca e di 75 aniversario di e organisacion.