(NLTimes)—E ekipo nacional di Hulanda a avansa den a cualificacion pa Euro 2024 despues di un pinalti hinca pa Virgil van Dijk, cual a duna e banda Hulandes un victoria contra Grecia.
Coach Ronald Koeman a haci dos cambio den e ekipo pa e wega aki. Mats Wieffer y Steven Bergwijn a ser reemplasa pa Maarten de Roon y Joey Veeman. Oranje tabata sa cu nan lo mester al menos un empate pa mantene nan mes den e careda pa cualificacion automatico. Grecia a keda defensivo, dependiendo riba contra-atakenan pa mantene Hulanda leu.
Despues cu un apelacion pa un pinalti no a ser aproba despues di 18 minuut, Hulanda a haya un chens pa tiro durante e prome mita. Aunke e record di Steven Bergwijn ta haci’e cualifica pa tuma e tiro, esaki a ser tuma ultimamente pa Wout Weghorst.
E Capitan di Oranje a crea e segunda oportunidad pa su manda ora el a pasa bala pa Bergwijn for di leu. Pero esaki a ser considera pa stroba pa keeper di a banda Griego Vlachodimos. Bergwijn a haya un otro oportunidad net un rato despues ora Konstantinos Mavropanos a perde bala den un posicion peligroso. Tabata tres atacado Hulandes contra dos defensor Griego, pero asina mes, Vlachodimos a salba e tiro atrobe.
Gerente Griego Gus Poyet a cambia su formacion pa gradualmente agrega mas atake, cual a cambia e momentum di e wega den fabor di Grecia. Striker Vangelis Pavlidis a ser hinca den wega durante e ultimo etapanan, pero e tabatin e efecto contrario di loke Poyet a espera, como cu Hulanda a gana un tiro di pinalti despues cu Pavlidis a comete foul contra Denzel Dumfries.
E banda di Koeman awo ta empata cu Grecia den punto cu un wega den man. Nan lo enfrenta e Republica di Irlanda y Gibraltar den nan ultimo wega di grupo. Grecia falta un wega mas, cual ta contra Francia.
Potret di Maurice van Steen pa ANP.
