(AP) – E creador di ChatGPT riba diahuebs a revela su proximo paso den inteligencia artificial cu un herment cu ta instantaneamente crea videonan cortico den respuesta na instruccionnan skirbi.
San Francisco basa riba OpenAI su generador nobo yama Sora, no ta e prome di su tipo. Google, Meta y e agencia ML ta entre e otro companianan cu a demostra tecnologia similar. Sinembargo e calidad halto di video cu OpenAI a demostra, despues cu CEO Sam Altman a pidi usuarionan di rednan social manda idea, e observadornan tabata asombra pero tambe a trece dilanti preocupacion tocante implicacion societal y etico.
“Un sesion di les di cushina pa gnocchi casero anfitriona pa un wela cu ta influencer riba rednan social den un cushina Tuscan cu luz cinematico,” tabata un opcion sugeri riba X pa un fotografo di New Hampshir. Altman a responde poco despues cu un video realistico cu a ilustra loke instruccion ta describi.
E herment te ainda no ta publicamente disponibel y OpenAI a revela cu tin informacion limita tocante con esaki a keda construi. E compania, cual a ser demanda pa varios autor y New York Times durante su uso di trabaonan proteha den e skirbimento pa train ChatGPT, tampoco a revela ki fuente di imagen y video a ser usa pa train Sora. (OpenAI ta paga un suma pa e uso di su archivo di articulonan).
OpenAI a bisa den un publicacion cu e ta trahando cu artistanan, legisladornan y otronan prome cu lansa e herment na e publico.
“Nos ta trahando expertonan den areanan manera mal informacion, contenido di odio, y favoritismo, ken lo ta esunnan cu lo test e model,” e compania a declara. “Nos ta creando hermentnan tambe cu ta yuda detecta contenido di mal informacion manera un clasificador di deteccion cu por ripara ora cu un video a ser crea pa Sora.”
