Recientemente Universidad di Aruba a habri su portanan pa e futuro studiantenan y nan famia, mustrando diversidad di su programanan academico y e vibrante bida universitaria cu a convirtie den un institucion di educacion superior di nivel halto.
E Open House tabata un exito rotondo, yen di presentacion interesante, exhibicion interactivo y oportunidad pa conecta cu e profesorado, e personal y e studiantenan actual. Nos ta gradici specialmente tur studiante y miembro di personal cua yuda pa haci e sesion aki asina informativo y atractivo. Nos ta gradici specialmente e ekipo di OSA, e ekipo di apoyo estudiantil riba rednan social, y e representantenan estudiantil pa e murayanan interactivo, e caluroso bonbini cu a duna na nos invitadonan y e campaña dibertido y atractivo riba rednan social.
Fecha importante pa futuro studiante:
• Inscripcion gratis online: 15 di mei te cu 15 di juli
• Deadline pa entrega di copia di diploma y inscripcion academico: 15 di juli
• Inicio di e programa di orientacion estudiantil: 19, 20 y 21 di augustus
• Deadline pa pago: 1 di september
Universidad ta anima tur futuro studiante pa probecha di e oportunidad pa inscribi gratuitamente online y entrega e documentacion rekeri na tempo. Esaki ta un paso crucial pa sigura nan luga den e aña academico binidero.
Bo a perde e Open House? Cu mucho gusto nos ta yuda bo. Pa mas informacion bo por manda un e-mail na osa@ua.aw of tuma contacto cu nos via WhatsApp.
