(AP)—Forsanan paramilitar Sudanes ta rondonando e unico capital cu nan no a captura den e region di Darfur, segun e Organisacion di Nacionnan Uni (ONU) a bisa diabierna, advertiendo cu un atake no tin “consecuencianan devastador” pa e ciudad cu 800,000 habitante.
Na mesun momento, ONU a bisa cu e forsanan arma Sudanes “ta parce di ta posicionando nan mes.” Secretaria-General di ONU António Guterres a haci yamado atrobe riba e paraehercito Rapid Support Forces pa no sigui cu bringamento den e area norte di Darfur y rond di su capital, El Fasher, segun e vocero di ONU Stephane Dujarric a bisa.
E guera den Sudan entre generalnan rival for di paraehercito y forsanan gubernamental cu ta bringando pa poder a causa “un crisis enorme,” segun hefe politico di ONU Rosemary DiCarlo. El a ser stimula pa armanan for di apoyadonan den exterior cu no ta cumpli cu sancionnan di ONU diseña pa yuda trece un fin na e conflicto, el a bisa, subrayando cu “esaki ta ilegal, e ta inmoral, y e mester stop.”
E oficina humanitario di ONU a bisa diabierna cu tensionnan escalante y conflictonan rond di El Fasher den e ultimo dos siman a resulta caba den e desplasamento di 40,000 hende, como tambe un cantidad di victima civil. “E situacion di seguridad a recorta acceso humanitario pa El Fasher,” e Office for the Coordination of Humanitarian Affairs conoci como OCHA, a bisa.
Segun oficialnan humanitario, El Fasher ta un sitio importante pa yega na otro partinan di e region di Darfur, incluyendo pa envionan di ayudo for di Chad y via un ruta panort for di Port Sudan riba e costa norteste di e pais.
“Actualmente, mas cu un decena di truck cu materialnan pa 122,000 hende ta pega den Ad Dabbah den e estado norte, como cu nan no por sigui dilanti pa El Fasher debi na e inseguridad y falta di garantia pa un biahe safe,” OCHA a bisa. Dujarric a bisa cu e envio personal di e secretaria-general pa Sudan, Ramtane Lamamra, ta comunicando cu e partidonan rival pa de-escala tensionnan, cual supuestamente a escala dramaticamente. OCHA tambe a bisa cu “ta importante pa e partidonan permiti un biahe safe pa civilnan sali for di El Fasher pa areanan mas safe.”
Sudan a cay den caos na april 2023, ora tensionnan entre su ehercito, lidera pa Gen. Abdel Fattah Burhan, y e paramilitar Rapid Support Forces comanda pa Mohammed Hamdan Dagalo a cuminsa bringa riba cayanan den e capital, Khartoum. Bringamento a plama den otro parti di e pais, specialmente den areanan urbano y e region oeste di Darfur.
DiCarlo a pinta un pintura devastante di e efecto di e guera—mas cu 14,000 morto, dies miles di hende herida, habruna acercando cu 25 miyon hende den necesidad di asistencia crucial, y mas cu 8.6 miyon forsa pa huy for di cas.
Durante e guera, e Rapid Support Forces a conduci atakenan cruel den Darfur riba civilnan cu etnicidad Africano, specialmente e Masalit, y a tuma control di mayoria di e region—cu El Fasher su obhetivo nobo.
Dos decada pasa, Darfur a bira sinonimo cu genocidio y crimennan di guera, particularmente pa e ehercitonan Janjaweed Arab, contra poblacionnan cu ta identifica como Centro of Oost Africano.
Ta parce cu e legado ey a aparece atrobe, cu e fiscal di e Corte Criminal Internacional, Karim Khan, bisando den januari cu tin fondo pa kere cu ambos banda por ta cometiendo crimennan di guera, crimennan contra humanidad of genocidio den Darfur.
