Agencia meteorologico di Nacionnan Uni a bisa cu agotamento di capa di ozon, cu ta protege Tera di nivelnan dañino di radiacion ultravioleta, brevemente a alcansa un nivel sin precedente riba areanan grandi di Artico na maart.
Organisacion Meteorologico Mundial (WMO) a reporta ayera cu e aumento ta a resulta di e presencia restando di substancianan traha pa ser humano cu ta agota ozon den atmosfera y temperaturanan hopi friu den stratosfera cu a preveni ozon di alcansa e region nort.
Vocero di WMO, Clare Nullis a bisa cu condicionnan tabata ‘bek na normalidad atrobe’ na april, describiendo e agotamento temporal como ‘no un causa pa preocupacion excepcional’. Nullis a duna credito na un acuerdo internacional conoci como e Protocol di Montreal, cu a reduci fuertemente e produccion di substancianan manera chlorofluorocarbon, of CFC, cu ta daña capa di ozon, pa yuda limita e agotamento den spring e aña aki.
WMO a bisa cu luz solar, campo di biento, kimiconan dañino y temperatura bou di -80 Celsius ta conduci na formacion di buraco den ozon. Mayoria di agotamento di ozon den Artico ta tuma luga den ‘polar vortex’, un region di biento circular suplando rapido, a bisa.
Perdida di ozon den Artico usualmente ta hopi menos severo cu den Antartico.
