(CuraçaoChronicle) – E Ombudsman un biaha mas ta pidi atencion di gobierno na e desconexion di awa potabel den hogarnan unda tin mucha. Esaki ta bini despues di corte di apelacion su veredicto na Hulanda, declarando cu hogarnan cu mucha no por ser desconecta for di awa potabel mas.
“E veredicto definitivo aki ta sumamente importante pa tur mucha dentro di Reino, considerando e provisionnan den e statuut di Reino. E Ombudsman lo presenta e desaroyo aki na e gobierno di Corsou y ta warda pa mira ki implicacion e veredicto aki lo tin pa e menornan local,” e Ombudsman a declara.
E Ombudsman di Corsou, ken tin desde aña 2020 eherciendo su funcion como Ombudsman pa Muchanan, tin varios aña preocupa cu e famianan local cu ta perde acceso na awa potabel. El a trece e topico aki dilanti gobierno den varios ocasion.
Hende-i-Medio-Ambiente (HiMA), cual ta para pa ser humano y medio ambiente, a indica cu en averahe, te ainda ta desconecta awa for di un vivienda pa siman. Yvonne Olf, presidente di HiMA a menciona cu nan ta den colaboracion cu autoridadnan caba na Hulanda pa atende mas profundo e problema aki na corsou.
Den e veredicto cu a duna riba 19 di maart di e aña aki, e corte di apelacion na Den Haag a declara cu desconecta viviendanan unda tin mucha ta biba for di awa ta contrario na y den violacion di e tratadonan internacional tocante provision manera European Convention on Human Rights y e tratado International Convention on the Rights of the Child.
