Ombudsman di Puerto Ricoen ta topa cu “situacion deprimente” na playanan di e isla. Baño insuficiente y deteriora, como tambe falta di siguridad, ta e principal hallazgonan di un investigacion recien conclui pa e oficina di e ‘Procurador del Ciudadano’ (Ombudsman) riba estado di e balnearionan mas bishita na e isla, y e hallazgonan ta mustra un “situacion deprimente”.

Asina e propio procurador, sra. Iris Miriam Ruiz a declara, cu a adelanta na El Nuevo Día e resultadonan di su investigacion, despues di e publicacion di e ‘Isla sin Playas’, den colaboracion cu e Centro de Periodismo Investigativo.

“Puerto Rico ta cataloga como un di e islanan cu e miho playanan den mundo henter. Sin embargo, cu e situacion cu ta presenta, tanto local como turista tin un impresion bastante diferente”, el a bisa. Como parti di e investigacion, personal di e Ombudsman a bishita luna pasa 10 balneario: Cerro Gordo, na Vega Alta; Manuel “Nolo” Morales, na Dorado; Punta Salinas, na Toa Baja; La Monserrate, na Luquillo; Seven Seas, na Fajardo; Punta Santiago, na Humacao; Boquerón, na Cabo Rojo; Caña Gorda, na Guánica; Tres Hermanos, na Añasco; y Punta Guilarte, na Arroyo.

Den termino general, segun Ruiz, a haya cu e balnearionan no tin suficiente baño pa e cantidad di bishitante cu nan ta ricibi; e infrastructura ta deteriora y “no tin e limpieza cu mester tin”.

“E falta di infrastructura sanitario ta resulta den contaminacion di awa, pasobra hende ta haci nan necesidad den naturaleza. Tambe a detecta e falta di ducha.

Otro hallazgo importante ta e escasez di salbabida, uno pa cada balneario, y e poco vigilancia, sea di parti di polis o di e Cuerpo di Vigilante di e Departamento di Recurso Natural y Ambiental (DRNA).

“E presencia di siguridad ya no ta mir’e manera antes na a playanan y mester di hopi”, Ruiz a subraya. Pa loke ta maneho di desperdicio, Ruiz a bisa cu, por lo menos na e luganan bishita, no tabatin un problema mayor.

El a conta cu proximo siman ta bay comparti e resultadonan cu e directivanan di DRNA y e ‘Programa de Parques Nacionales’ (di e Departamento di Recreacion y Deporte), pa cuminsa cu e accionnan corectivo pertinente.