Riba diasabra 25 di november ultimo, señora L.C.F., wela di e fayecido muchanan Rishandroh y Roshandrick, a wordo deteni riba sospecho di complicidad na maltrato severo di e dos muchanan, cu morto como consecuencia. Despues di a evalua esaki Ministerio Publico a declara den un comunicado cu no por mantene e wela den detencion pasobra OM no a haya cu e a comete un echo castigabel.
E complicidad segun OM lo a encera cu señora F. no a actua mientras e tabatin conocimento di e maltrato severo. Despues di investigacion cuidadoso, Ministerio Publico a yega na e conclusion cu no tin ningun motibo pa supone cu señora F. a haci su mes culpable na cualkier tipo di hecho castigable.
Pa e motibo ey, Ministerio Publico no a pidi huez-comisario pa prolonga detencion di señora F. y a pone den libertad. Ministerio Publico ta conciente cu e morto di Rishandroh y Roshandrick a lanta hopi emocion na Aruba.
Ministerio Publico ta spera cu señora F. lo wordo laga na paz. E tambe ta victima den e caso aki y mientrastanto e no ta sospechoso mas.
