Fiscal di e islanan di BES a papia cu e alumnonan y mayornan di Gwendoline van Putten School riba e problema di spijbel.
E scol na Statia tin un problema grandi cu esaki desde comienso di e aña escolar. E fiscal a sinta cu e alumnonan y mayornan na Fort Oranje y indica cu ya duna varios castigo na esunnan cu ta spijbel.
Nan ta castiga e muchanan den cuadro di HALT, dunando nan tareanan alternativa. Ministerio Publico (fiscal) mes of polis por duna e castigonan aki na menor sospechoso ora ta trata nan prome biaha cu husticia. Y ora e echo castigabel no ta grave. Muchanan cu ta spijbel te 64 ora tambe por cay bou di e areglo di HALT. Asina nan ta evita di haya un strafkaart.
Cada luna Ministerio Publico, polis, ambtenaar cu ta controla leerplicht, Voogdijraad y e scol Gwendoline van Putten ta sinta hunto. Den e reunion aki nan a constata cu tin relativamente basta alumno cu ta spijbel. Pa motibo di esey nan a dicidi cu tur alumno cu lo spijbel entre 16 pa 64 ora lo haya un castigo den cuadro di HALT. E alumnonan cu a ricibi un castigo por lo pronto lo mester cuminsa cu e trabou obligatorio segun nan castigo. Esaki lo tuma luga bou supervision di Voogdijraad, asina Ministerio Publico ta informa.
