WILLEMSTAD – Durante weekend cu a pasa a aparece un bes mas via di medionan social un videoclip. Den e videoclip, cuater hoben ta zwaai cu arma di candela. E video aki a causa hopi conmocion den nos comunidad na unda no mester tin luga pa arma di candela. Arma nan ta wordo busca efectivamente pa autoridad.
Ya tin hopi victima caba door di uzo di violencia. Posicion di arma pa cua no tin permit ta prohibi. Pa e motibo aki, sospechosonan lo keda detene door di polis y wordo encarcela. Pa posicion di un arma di candela tin un castigo di 18 luna. Pa regla, hues ta duna un castigo incondicional. Dos di e hobennan cu a aparece den e video ta encarcela, hustamente pa posesion di arma ilegal. Nan lo mester hustifica nan mes cerca hues. Ta haciendo un investigacion na e dos otro hobennan cu te ainda ta desconoci.
Si bo tin informacion tocante e hobennan aki nos ta suplica pa tuma contacto via e number anonimo. Na momento ku imagennan smoking wordo distribui via internet, Ministerio Publico ta conta cu bo cooperacion. Riba internet no ta existi anonimidad, sigur no na Corsou. Hunto nos por haci nos comunidad mas safe, esey ta den bo interes tambe! Bo ta yuda?
