Den su caso di apelacion di Jan de Ruijter contra e desicion di Ministerio Publico (OM) pa cu e caso di Hard Rock Hotel (na luga di ex Bushiri Hotel), De Ruijter a presenta informacion nobo. A base di esaki Ministerio Publico ta bay haci un analisis nobo y depende e resultado, dicidi si lo bay inicia un investigacion penal of no. Esaki nos colaborado NoticiaCla a publica.
De Ruijter a entrega un keho di fraude contra minister Otmar Oduber di Turismo den e procedura di destaho cu Southwest Horeca a gana. Finalmente e proyecto aki no a sigi pasobra Southwest no a logra financieramente pa cuminsa e construccion. For di comienso De Ruijter a acusa minister di fraude y corupcion, faboreciendo entre otro su amigo Tico Croes, cu antes tabata minister di Financia. E tempo ey Oduber tabata un di su conseheronan.
.jpg "Soul Beach Music Festival ta awor mas cu un concierto")
