Ministerio Publico ta informa cu diabierna atardi y anochi a tuma luga cuater entrada hudicial na adresnan na San Nicolas. Esaki berdad pa busca un mucha di tres aña cu ta perdi. E ta ruman di e mucha di cinco aña cu a fayece den hospital diabierna atardi. Cuerpo Policial lo publica un relato pronto riba e mucha perdi.
Segun informacionnan circulando den rednan social, e padrastro di e muchanan tabata hayando tratamento psikiatrico pero a stop cu esaki. Segun e familiar di e muchanan (tanta) a post riba su Facebook, polis a haya e mama y padrastro ta empaketa maleta pa bay for di e isla. Pero segun Ministerio Publico esaki no ta berdad. Nos no a haya mas informacion for di Ministerio Publico mientrastanto y ta keda pendiente pa informenan di Cuerpo Policial riba e mucha perdi.
Akinan por lesa mas tocante e caso:
‘Mucha di cinco aña supuestamente maltrata door di mayornan a fayece’
