SCHIPHOL – Ministerio Publico a aumenta e demanda penal den e apelacion di e dos polisnan den e caso di Mitch Henriquez. Si ta pa Ministerio Publico nan ta demanda seis luna di tratamento condicional y e polisnan lo no por traha pa dos aña como polis. E famianan di Mitch a bisa cu ta decepciona cu e sentencia aki.

Den prome instancia Ministerio Publico a pidi corte pa declara e oficialnan culpabel, pero no a duna nan castigo, segun e fuente retkaribense. E declaracion di e defensornan general a mustra cu OM a cambia di opinion debi na e version progresivo, debi na e informe recien di e investigacion realisa pa e profesor extraordinario Wilma Duijst.

Causa di morto
 Segun Duijst e syndroom di stress no ta existi den sencia medico. Durante di e prome instancia OM a basa su mes riba e fenomeno como un posibel causa di morto y no riba e Klem di nek cu Mitch a ricibi e polis, y esey ta diferente awo.

“Tin mas claridad encuanto di e medida cu e violencia causa na Mitch henriquez su nek cu lo a conduci na e morto di Mitch, esaki ta seriamente plausible, e abogado general Jobine van ‘t Westeinde a bisa den su declaracion. : esaki ta reenforsa e conclusion di corte.

Famia di Mitch Henriquez no ta contento
 Segun e abogado Richard Korver, e miembronan di famia di Mitch Henriquez ta contento cu OM a tuma na cuenta cu e agentenan ta culpabel pa e morto di Mitch y ta exigi un prohibicion di nan profesion. Pero e rekisito ta sigui siendo demasiado abou segun e abogado. “ E famia kier un castigo di prizon incondicional”.

E agentenan DH01 y DH02 desde nan condena na 2017 ta trahando como polis. Segun polis esaki no lo ta diferente cu e demanda di dispidido profesional di OM.

Kico kiermen negacion profesional?

Negacion profesional ta significa, segun polis, “cu e agentenan ya no por eherce nan profesion den uniform”. Kiermen no grab’e riba caya, cual sa pasa ora nan tin uniform bisti. Ainda nan por traha pa polis manera nan ta haciendo, pero esaki tambe ta depende di e decision final di corte.
Corte di apelacion na Den Haag lo dicta tocante e apelacion di e agentenan DH01 y DH02 riba dia 19 di juni proximo.