Brasil e aña aki ta sede di Olimpiada, pero directora di ATA pa Latino America y Venezuela, sra. Miriam Dabian no ta kere cu esaki tambe lo tin su efecto pa Aruba. El a laga sa cu internamente e actividad aki no ta bayendo bon pa e pais Carioca.
“Brasil ta bayendo hopi malo, economicamente, politicamente, emocionalmente”, el a bisa. Igualmente el a laga sa cu Brasil lo ta sede di Olimpiada cu te aworaki mes no ta wordo sinti ainda cu Olimpiada lo bay trece loke nan a pronostica.
E ta haya cu pa e Brasilero ta malo pasobra nan a inverti hopi placa den esey pero nan no lo bay haya probablemente e inversion haci. Sra. Dabian a bisa cu luna pasa nan a realisa un bishita na Brasil y nan por wak pa ehempel di e benta di ticket no a bay bon te hasta nan a cuminsa baha e cantidad di stoel den cierto localidad pa mustra cu ta yen.
Olimpiada no ta bayendo bon pa Brasil
E preocupacion di ATA tabata cu Brasil cu su Olimpiada 2016 lo bira un catalisado di turistanan di e area aki. “Nos idea tabata ta cu probablemente dor cu ta na Brasil, hopi hende di e region lo bay, pero bo no ta sinti esey y tampoco nan no ta sinti esey”, asina e ehecutivo di ATA pa e area di Latino America a bisa.
El a sigui referi na e situacion cu Brasil ta pasando aden cu su Olimpiada ya cu e aerolineanan ta pasando hopi dificultad, specialmente Copa, Lan y Avianca mirando cu Brasil ta un di e mercadonan mas grandi cu nan tin como producto of como nan principal mercado. Nan a cuminsa reduci nan frecuencia mientras cu otro compania no a baha frecuencia pero nan prijs di ticket ta abou. “Nan tin cu baha nan tarifa pasobra tin hooi competencia. Anos no por hunga cu tarifa. Esey ta un poco dificil”, el a bisa.
.jpg "Pa locual ta trato na nos turistanan Un solo caso riba su mes por haci daño na nos economia")
