Presion di tuma medida despues di e ultimo tiramento masivo na Merca, Gobernador republicano ta urgi e partido republicano pa un ‘legislacion estatal’ pa aproba ley cu ta exigi verificacion di benta di arma y cu ta duna permiso tribunal pa restringi acceso di arma di candela na persona cu por ta un menasa.
Gobernador Mike DeWine a bisa cu Ohio mester balansa e derecho di persona pa cumpra un arma di candela. El a demostra un serie di accion legislativo cu e kier trece dilanti pa persona cu salud mental y violencia di arma.
Protestante a cuminsa grita pa ‘tuma accion’ pa honra e victima. Durante un conferencia di prensa riba diamars un persona a grita ‘berguensa pa bo’ na DeWine kende tabata contesta pregunta. E ta haci yamada di accion cu por ta un bataya pa e ley cu a tin poco atencion y otro medida di siguridad di arma di candela cu ta introduci pa democrata.
Polis ta bisa cu no tabatin nada di tirado di Dayton cu ta strob’e di cumpra un arma di candela, Hefe di Polis, Richard Biehl, a bisa. “Pa tin un nivel di arma asina entre persona civil, ta problematico”, Biehl a bisa.
Pa Betts, tampoco tin nada penal den su nomber, tampoco por impedi di cumpra un arma. Ley di Ohio ta prohibi cualkier persona condena pa un delito manera adulto, of condena pa cargo hubenil cu ta un delito grave si tabatin mas di 18 aña, pa cumpra un arma.
President Donald Trump a bisa cu e kier Washington uni na e legislacion cu ta pone ‘verificacion fuerte na antecedente’ pa usuario di arma. E medida anterior di control di arma a completa pa e Senado controla pa republicano.
E camara dirigi pa democrata a aproba un proyecto di ley di control di arma cu ta inclui solucion na e sistema di verificacion di antecedente di arma di candela na e nacion, pero el a wordo nenga pa e Senado.
