(AP) – John Rogers a warda lunanan largo prome cu e por a bira eligibel pa ricibi su vacuna di COVID-19. E tabata despues di a papia cu amistadnan, cu e meneer di 66 aña den Spencer County, Kentucky, a ser convenci di ricibi su vacuna.
“Nan a bisa, ‘bosa cu e vacuna no ta traha 100%, pero si bo haya covid sin e vacuna, bo ta den mal situacion.’” Rogers a bisa.
Mirando cu e nacion no a logra e meta di e President Joe Biden di tin por lo menos un dosis di e vacuna den 70% di tur Mericano pa dia 4 di juli, e oficialnan di salud den lugarnan maneRA Spencer County a cambia nan enfasis di vacunacion den cantidadnan grandi, pa vacunacion den personan cu tin mas mester di e vacuna y informa e personanan tocante e beneficionan di e vacuna.
Departamentonan di salud a ofrece e vacuna na conciertonan, paradanan y ferianan y tin plania di haci esaki obtenibel na eventonan di regreso pa scol. Nan a encurasha e dokternan local pa por trece e causa aki dilanti pashentnan y promove e vacunanan usando flyers y publicacionnan riba rednan social.
E speransa ta cu esaki lo motiva e pueblo, y calma cualkier miedo cu tin. Pero tambe aclarea cualkier informacion eroneo cu lo por tin tocante e vacuna, y cambia e manera cu ta mira e vacuna, un pa un si ta necesario.
Esaki ta specialmente importante den luganan manera Spencer County, cual ta un area cu ta reporta cu 22% di e adultonan eligibel pa ricibi e vacuna ta por lo menos parcialmente vacuna. Oficialnan di salud ta kere cu e cifranan aki ta mehorando, y probablemente ya caba ta mas halto.
