E candela diadomingo marduga pabou di Budget marine na Balashi a pone Polisnan un rato den shock ora cu e oficialnan a cuminsa bati na tur porta di e cambernan di apartamento wak si tur hende a keda evacua.
E candela grandi tabata patras di e ultimo apartamento. Ora e oficialnan a logra haya ayudo di personal di brandweer pa kibra e portanan drenta, e oficial masculino di trafico ta topa cu un mucha chikito su so laga atras den e cas, mientras cu e candela tabata tras di e ultimo apartamento.
Di biaha e oficial a carga e mucha bay cune afo y notifica instancianan concerni. E situacion a laga e oficialnan na e sitio den shock, ya cu si e candela aki lo tabata mas grandi y cu ningun hende a capta e candela, chens ta grandi cu e resultado lo tabata uno fatal pa e criatura.
