E aña tras di lomba tawata un aña turbulento pa Colegio Arubano. Tawatin un periodo di inkietud, alumnonan a organisa un protesta y finalmente e rector a baha bay. Algun proyecto di scol y mehoracion nan planea, apenas a tuma luga. Asina por menciona e proyecto iPad, enseñansa di dos idioma y evaluacion di docentenan pa alumnonan y colega docentenan. Aki ta sigui un reeleccion di comision di mayor di Colegio Arubano OCCA riba e aña escolar cu a caba di finalisa y tambe ta duna su bista riba factornan importante pa aña escolar 2016-2017.
E resultadonan di examen di e aña escolar 2015-2016 ta conoci y ta parce cu HAVO ta miho para segun OCCA. E porcentahe di esunnan cu a slaag di HAVO hasta ta miho cu esun di VWO, cual pa hopi tempo no tawata e caso. Hopi alumno e aña aki, no obstante e trastorno, di berdad a haci nan best. Ademas ta parce cu a guia e candidatonan pa examen miho e biaha aki. OCCA ta opina cu e team bou di guia di rector suplente Anne Cameron merece un ‘thumbs up’. Na e momento aki ta recluta un rector nobo. OCCA ta spera cu e rector nobo aki sa di motiva su team. E ta keda un reto grandi: E comunidad Arubiano ta chikito y un y tur tin un of otro opinion di Colegio Arubano. Tur esunnan envolvi, manera mayornan, institutonan di enseñansa, minister etc. ta expresa nan deseo y exigencianan. Ademas ta necesario implementa invasionnan cu un team di sigur 130 docente y no cada docente ta ansioso pa esaki. E rector aki hunto cu su team mester haya tempo pa tuma pasonan den e direccion corecto. Pa OCCA tin mas asunto importante na inicio di un aña escolar nobo.
Ta menciona cinco: 1) Un envolvimento grandi di mayornan cu e situacion di nan yiunan na scol ta conduci na miho resultado. Mayornan: papia cu bo yiunan tocante scol, puntra con a bay, demostra interes y tene bon contacto cu e mentor y docentenan. Mayornan mester percura pa nan yiunan sa cu mag uza e telefon celular den klas solamente ora e docente indica esaki. Principalmente alumnonan zwak por presta miho si nan no ta distrai door di nan telefon. 2) E motivacion di docentenan na scol mester ta miho! E manera cu cual algun docente ta acerca e alumnonan por ta miho. Un acercamento positivo y constructivo (hasta cu alumnonan ‘dificil’) ta importante. E liderazgo di scol mester reacciona na tempo riba señalnan di docentenan cu tin dificultad cu esaki, guia y coach nan. 3) Un ocupacion di rectorado corecto y suficiente, e liderazgo di scol pues, ta importante. Esaki ta profesionalnan cu diariamente ta guia y organisa tur cos na scol. Nos ta di opinion cu na e momento aki no tin suficiente conrector. Esaki ta haci e scol mas zwak. E ocupacion ideal ta entre 4 y 5 conrector.
Na Hulanda y Corsou ta nombra 1 conrector pa cada 300 alumno (Colegio tin sigur 1600 alumno). Na inicio di e aña escolar nobo, minister tin e intencion pa reduci e cantidad di conrector pa tres. OCCA no ta di acuerdo cu esaki y ta desea di haya sa kico ta e motivacion tras di esaki. 4) Dentro di e ministerio di Enseñansa tin fondo disponibel pa capacita docentenan mas aleu. Esaki no tawata mucho visibel e aña escolar tras di lomba. Docentenan di berdad ta haci e diferencia, pues training y profesionalisacion no ta un luho. 5) OCCA kier mira un procedura di keho claro na Colegio. Stichting Middelbaar Onderwijs Aruba (SMOA), e directiva bou di cual Colegio ta resorta, via su Hunta di Directiva y Hunta di Supervision a comprometi pa informa mayornan di e procedura cu mester sigui pa esaki. OCCA finalmente kier expresa su miho deseonan pa e aña escolar nobo na docentenan, alumnonan, mayornan, directivanan di scol, Departamento di Enseñansa y ministerio di Enseñansa.
Pa informacion tocante OCCA por bishita e grupo OCCA riba Facebook of por manda un e-mail pa occa.colegio@gmail.com.
