(AP) — E obhecionnan di un senador veterano pa e record di Egipto pa cu derechonan humano, incluyendo su detencion di alrededor di 60mil prisonero politico, a forsa e administracion di presidente Joe Biden pa reduci un simbolicamente significante $75 miyon for di su ayudo militar anual planea pa e pais aki.
Presidente di Apropiacionnan di Senado Mericano, Patrick Leahy, e senador en cuestion, a bisa den un declaracion e siman aki cu ta importante pa administracionnan Mericano no permiti otro interesnan di politica pa anula atencion obligatorio congresionalmente pa e record malo di derechonan humano na Egipto, “pasobra e situacion cu prisoneronan politico ta enfrenta na Egipto ta deplorable”.
Merca ta duna mas di $1 biyon anualmente den ayudo militar na Egipto, cual ta mira como un aliado regionalmente importante di Merca y Israel. Esaki a pesar di e record di presidente Abdel Fattah el-Sissi riba derechonan humano, incluyendo loke gruponan di derechonan ta bisa ta e asesinato, detencion y tortura di criticonan di gobierno Egipcio.
Congreso den añanan recien a haci pago di $300 miyon di e ayudo aki contingente riba gobierno di Egipto mustrando progreso riba derechonan, maske Departamento di Estado por y hopi biaha ta anula e rekisito aki. E condicionamento di Congreso di algun ayudo di seguridad pa Egipcio ta pone un test publico anual di e balansa di adminstracion Mericano entre interesnan strategico y derechonan humano.
Administracion di Biden a bis luna pasa cu tabatin plan pa duna un porcion, $170 miyon, di e $300 miyon en cuestion. A cita e liberacion di 500 prisonero politico na Egipto. Defensornan di derechonan y familiarnan di activistanan deteni ta yama e liberacionnan aki un “token”.
Leahy a opone e decision di e adminsitracion, urgiendo e estado pa sea clarifica su standard riba e asunto of duna e placa como beca na studiantenan Egipcio of ayudo militar pa Ucrania. E fondo a keda den un impasse te su fecha limite di 30 di september y a caduca.
