(Infobae) – “Tin un aumento di obesidad infantil na Latino America” segun loke Jose Antonio Castañeda, un ciruhano specialisa den esaki a afirma y a confirma cu Organisacion Mundial di Salud y Organisacion Panamericano di Salud tin e tendencia cu na nivel global e indice di muchanan obeso a multiplica di 4% pa 18%.
Awe, e problema aki ta afecta 33.6% di e poblacion di cinco pa 19 aña den region aki.
“Nos ta bay experiencia un pandemia nobo,” e specialista cu tin mas di 20 aña di experticio den area aki a señala den termino di porcentahe cu Argentina ta lider den e lista cu 36.4%, despues ta bin Bahamas (36%) Chile (35.5%), “mi ta sorprendi di e avance acelera di obesidad infantil cu a bira tripel den ultimo añanan,” Castañeda a sigura.
E tendencia ta continua di manera preocupante, na unda obesidad ta prevalece den muchanan hende muhe como hende homber y adolescentenan cu ta bay bira dobel na nivel regional pa aña 2030, segun un estudio di International Action Teens, cu tin como obhetivo mustra e actitudnan, comportacion y obstaculo pa e tratamento di e problema aki.
E consecuencianan ta bay provoca malesanan cronico severo, si no ta enfoca den esaki, 50% di e personanan naci for di 2010 lo por biba cu cancer y diabetes den nan edad adulto.
Debi na presencia di fast food, den algun paisnan di Latino America a cuminsa implementa leynan pa restringi e cumindanan aki na scolnan, Uruguay na 2013 a implementa e Ley di Promocion di Alimentacion Saludabel na Centronan Educativo, e norma aki ta prohibi e benta di cuminda no saludabel na scolnan publico y priva di e pais.
E riesgonan por ta ainda mas pio cu malesanan relaciona cu obesidad, debi cu ta facil pa tin un alimentacion malo y tin falta di asesoria di un nutricionista, e resultadonan ta causa hipertension y ta aumenta na nivelnan halto e colesterol den cualkier persona sin importa su edad.
