Presidente anterior di Merca Barack Obama a adverti contra e uzo irresponsabel di social media, den un entrevista exclusivo desde cu el a baha como presidente na januari. El a adverti cu cierto accionnan riba rednan social ta stroba e conocemento di asuntonan compleho cu ta pasando, y ta parti mal informacion. “Nos tur cu ta den posicionnan di liderasgo mester haya un manera caminda cu nos por crea un espacio comun riba e internet,” el a bisa. Sr. Obama a wordo entrevista por medio di Principe Harry riba e programa di BBC Radio 4’s Today.
E ex-presidente a expresa su preocupacion cu un futuro unda cu hechonan ta wordo hala un banda y hende ta solamente lesa y scucha cosnan cu ta reinforsa nan mesun perspectiva. “Un di e peligernan di e internet ta cu hende tin realidadnan completamente diferente. Esaki por wordo acumula den informacion cu ta reinforsa nan bias actual. E pregunta ta con nos ta uza e tecnologia aki den un manera cu nos por permiti pa tin diferente bosnan, permiti un diversidad di perspectiva unda nos ta permiti pa yega na un mesun liña,” el a splica. Presidente Actual Donald Trump ta un uzador grandi di Twitter, pero sr. Obama noa mencion’e pa nomber.
Fuente: BBC
