(NLTimes)—E compania di trein nacional Hulandes NS a bende nan subsidiario Britanico, Abellio, pa maneho Britanico. E operado di trein a anuncia esaki den un comunicado pa ANP. E decision aki ta marca e fin di e presencia di NS na Reino Uni, unda e compania tabata activo desde 2003.

Pa varios decada, NS tabata un compania grandi den paisnan Europeo, pero a dicidi un par aña pasa pa enfoca mas riba Hulanda atrobe. E inversionnan den exterior a genera ganashi grandi, pero tambe miedo. Abellio a experiencia perdida grandi na Alemania, y e operado di trein a haya critica na Escocia pa nan fracaso pa yega na cierto obhetivonan di operacion.

Hasta entre politiconan nacional na Den Haag, inversionnan den exterior di organisacionnan manera NS y Schiphol Airport ta wordo mira diferente. Minister di financia, Sigrid Kaag, a bisa den zomer cu si ta p’e, e companianan lo haci inversionnan den exterior solamente si esaki ta contribui den interes publico y companianan na Hulanda.

E benta lo trece al menos 15 miyon euro pa NS, pero e figura aki por subi pa 25 miyon dependiendo con operacion di Abellio ta mustra den futuro. Tambe tin varios declaracion di procedura na Reino Uni, cual ta nifica cu ainda no ta posibel pa por calcula precisamente kico e presencia di e compania di trein Hulanda den mercado Britanico ta nifica pa NS financieramente. Awo a wordo calcula cu e resulta positivo lo probablemente cay entre 100 y 180 miyon euro.

De hecho, NS kier a despedi di e mercado Britanico mas trempan, pero debatenan politico tocante e sistema di trein na Reino Uni a causa retraso den esaki. Segun NS, awo e situacion di e sector di trein Britanico a calma. Na augustus, NS a dicidi pa laga Abellio pa maneho Britanico. Nan a tuma varios luna pa completa e trato. Awo autoridadnan di transport local a aproba e benta.

Abellio UK tin mas cu 10.000 empleado y ta provee trein den e areanan di East Midlands, West Midlands, Greater Anglia y Liverpool. E compania ainda ta opera varios liñanan di bus na Londres. E concesion na Escocia no ta inclui mas pasobra cu no a extende esaki prome.

Segun NS, e benta di Abellio UK ta algo separa di e actividad di Abellio Alemania. E compania kier mantene nan presencia cu Abellio den parti oost di Hulanda. Segun e compania, e actividad eynan tin “importancia strategico” pasobra cu nan ta contribui na e biahenan pa Alemania pa pasaheronan Hulandes.