El a bay y el a bin bek. Den e entrevista aki, Philip Chirino ta conta Bon Dia Aruba tocante su bida entre Aruba y Hulanda, su carera como Videografo, kico tur el a siña y kico den su opinion ta lo mas bunita di ta un hende di isla.
Chirino, kende awo tin 28 aña y recientemente a bin biba na Aruba ta conta: ”Na aña 2007 mi a scoge pa bai hulanda pa sigui ku mi estudio paso na e momento ey aruba no por a ofrecemi mas di locual ku ami tabata buscando. E choice pa bai biba hulanda pa sigui ku mi estudio tabata un basta facil pami persona debi ku den pasado tempo ku mi tabata mas chikito mi a yega di biba na Hulanda kaba dus e transfer tabata hopi fasil pami. Na Hulanda mi a bay haci MBO opleiding pa Informatie en Communicatie Technologie Beheerder mi a haci esey pa ongeveer un 9 luna ney djei mi a stop cu e opleiding paso mi a verhuis for di Enschede pa Rotterdam y mi no por a stroomdoor pa asina sigui ku e opleiding na Rotterdam.”
Interes den audiovisual
Segun Chirino, su interes den traha video a cuminsa pasobra su grupo di amigonan tabata rap. “Den e temporada aki mi grupo di amigonan tabata tin un “Rap Group” yama “Down Town Soldiers” na cuminsamento nan tabata tin muziek so sin video. Desde cu ami a yega hulanda mi tabata mira hopi “rap videos” riba Youtube cual tabata mas exciting pa mira paso bo por scucha y mira e video di e cantica. Esaki tabata algo cu a cuminsa bira hopi popular e tempo ey y esaki a bira e motibo pa cual mi a bay verdiep mi mes mas den e mundo di video. Na 2009 ami hunto cu un bon amigo dimi esta Marc-Anthony Pablo cu na e momento ey tabata studiando “Audio Engineering” a dicidi di lanta nos mesun compania record label / video production y a yama esaki “Flying High Productionz”. Desde 2009 mi a cuminsa traha diferente video di music videos pa comercial. Ami no a bai skol pa e arte di video mas tanto mi a fall in love ku e arte y a dicidi di haci esaki riba mi mes mi pasion a keda bira mas grandi
Na 2012 mi a cuminsa traha den un tattoo shop di un amigo dimi y hunto cune mi a cuminsa cu un Tattoo Convention tv Show jama “Ink TV Global” di cual ami tabata e cameraman/producer y editor esaki mi a hasi pa 2 aña y mey. Door di e show aki “Ink Tv Global” mi a logra travel full Hulanda y un gran parti di europa tambe mi a filma e prome tattoo convention di Aruba cual a tuma luga na aña 2013 i asina mi a bin siña hopi mas di lokual ta trahamento di video. Cuminsamento di aña 2015 mi a dicidi pa sigi cu mi profesion di video riba mi mes akinan ta caminda cu mi a haña e oportunidad pa traha hunto cu e top styliste di hulanda esta Kim Keizer, director Mario Gonsalves y tambe e director Mike Static. Den un corto tempo mi a haña oportunidad pa traha riba varios profesional music video sets pa varios artistanan conoci di Hulanda”
Bin bek cas
Como hopi cu a bay, Chirino tambe a sinti cu ta yega un momento pa bin bek su cas.
E ta conta cu el a regresa pa motibonan personal pero tambe pasobra e tabata kier ta mas cerca di su mama. No obstante, e ta feliz cu el a logra haci su hobby su profesion y na Aruba e ta sigui haci locual e ta gusta. Bon Dia Aruba a puntra Chirino kico e ta haya lo mas bunita di ta un hende di isla y kico e lo kier wak den su isla den un futuro na cual el a contesta “E bunita di ta un islander ta cu nos ta hendenan hopi amabel, hopi caloroso, nos gusta ambiente. Bibando na Hulanda mi a bin ripara ku e hende nan Hulandes ta un tiki mas “friu” na manera di bisa. Hulanda tabata tin su ups and downs, personalmente mi a pasa den hopi cos na hulanda, pero cada un di e cosnan ey a trahami y hacimi e persona cu mi ta awe. Ami ta haña cu nos Arubianonan ta hopi creativo den pensamento y den obra di man. Un bon ehempel ta nos carnaval, esaki mester wordo exploita mas den tur forma di arte, manera video, theater, schilderen etc. Ami lo kier mira aruba su nomber resalta den exterior den gran forma riba tereno di arte y deporte y hopi mas. Mester tin mas cooperacion entre artistanan Arubiano y no focus riba un so. Duna chens na tur otro artista tambe ku aruba tin, Union ta hasi forsa.”
