yakari (1).png

NG Yakari.jpg

Mi hendenan! Con bay? Ken mas a wak a e video di señora Clarita? Hombro, e no ta cos di hari cu nos hende grandinan ta wordo atraca den nan mesun cas.Pero ta con nos ta bay nenga, cu señora Clarita tin un don pa story telling? Ami mes tin ZELOS di su alma brilliante cu e tin. Pero bon! Ban papia! Referiendo bek na señora Clarita cu den su famoso entrevista a papia di e echo cu awendia hende ta te hasta horta pa nan luci cu cosnan cu nan no a traha pe. Mi ta pensa, esaki tin di haber exactamente cu e topico cu mi kier a comparti cu boso awe. Manera mi a menciona prome, mi a kies pa specialisa den comunicacion. E siman cu a pasa mi a cuminsa cursonan nobo, cual te cu awo ta mustra di ta basta interesante.

Algo cu a yama mi atencion en particular, ta algo cu nos a discuti den e curso integrated communication management. Den e curso aki nos a wordo introduci na algo cu yama hyper-modernity. Cual basicamente, kiermen modernismo riba un rush di adrenalina. E ta un teoria cu a wordo introduci pa un sociologo Frances.

Di un sociedad post moderno, nos a pasa pa un hyper moderno cual kiermen nos ta consumi tur cos den exceso. Nos ta bibando den temponan di hyper-change, hyper consumerism, hyper narcissism y hyper individualism. Kico tur esaki kiermen? Wel, drama mi hendenan. Antes companianan tabata competi cu otro basa riba cual tin mas recurso y acogida. Awendia, nan ta competi riba ken ta mas sabi y mas innovativo. Wak con e Iphone cu Androids, a come Blackberry den un periodo relativamente cortico. Pakico? Nan a introduci un tecnologia nobo, cu Blackberry simplemente no a anticipa.

Companianan mester maneha nan mes internamente, sin perde bista di locual ta pasando externamente. Nos ta consumi demasiado, cosnan ta cambia demasiado lihe, nos ta egoista y kier tur cos personalisa na nos mesun manera. Esaki ta dunando corporacionnan rond di mundo un hard time, pasobra simplemente nan no sa con pa keep up cu e demanda. Nos no solamente kier e miho di mundo, nos kier lo miho di tur mundo y ta esey ta e problema. Laga mi duna bosa un ehempel di un compania cu tin hyper-modernity studia y ta e motibo ey nan ta profit asina tanto: Apple. Apple ta saca un telefon nobo frecuentemente, (hyperchange). Tur hende kier e telefon aki, pasobra e modelo bieu ta pone nan sinti outdated (hyper -consumerism, hyper narcissism ) Nan kier e telefon nobo, pasobra esaki por wordo mas personalisa ainda. (hyper-individualism).

E miedo mas grandi di hypermodernity, ta cu pronto solamente mas tecnologia, lo por drecha e problemanan cu tecnologianan actual ta creando. E ta keda un circulo vicioso. Awo, kico ta e efectonan di tur e modernismo aki? Wel tin hopi. Pero podise esun dimas grave ta cu awendia hende ta sinti miedonan cu antes no tabata existi. Den tempo antiguo, hende tabata tin miedo di diosnan, di naturalesa, di kico lo pasa cu nan si e diosnan mester rabia cu nan. Awendia, hende ta biba den conflicto cu nan mesun principionan. Tanto modernismo, a pone cu nos ta cuestiona con etico den berdad nos ta. Awendia, nos tin miedo di perde e prestigio di tin un bida social mirando cu netflix y telefonnan tiki tiki ta come esaki. Miedo di perde trabao, pasobra locual abo tabata haci awendia un mashin por hacie. Tambe hende tin miedo di e acceso na informacion cu tur hende tin, miedo di wordo exposed riba internet, miedo di perde lasonan di amistad.

E problema, no ta kico ser humanonan por haci, sino mas bien cuanto manera tin awendia di haci esaki. Interesante no? Mi ta topa boso otro siman!