(AP)—Un delegacion economico di Nort Korea ta na caminda pa Iran, segun e media estatal di e Norte a bisa ayera, pa loke lo ta e prome discusion entre e dos paisnan desde e comienso di e pandemia di Covid-19.
Aceptando e idea di un “Guera Friu nobo,” lider Norte Koreano Kim Jong Un ta pushando pa construi cooperacion cu paisnan confrontando Merca, como cu su testnan di arma a causa Merca y Sur Korea pa expande nan training militar.
E delegacion di Pyongyang lider pa Yun Jung Ho, e minister di Relacion Economico den Exterior, a bula diamars pa e biahe pa Iran, segun e Korean Central News Agency a bisa ayera. Media estatal no a provee mas detaye.
Pyongyang y Tehran ta entre e par gobiernonan na mundo cu ta apoya presidente Ruso Vladimir Putin y su invasion di Ucrania, y ambos a ser acusa di provee Rusia cu ekipahe militar. E ultimo tempo conoci cu Nort Korea a manda oficialnan pa Iran tabata den augustus 2019, ora un grupo lidera pa Pak Col Min, vice-presidente di e parlamento di Pyongyang, a haci un bishita di un siman. E dos pais tabatin intercambionan diplomatico te ora cu Nort Korea a cera su frontera den un esfuerso pa keda leu for di e pandemia, prome cu a habri frontera back den 2023.
E ministerio di Unificacion di Sur Korea, cual ta aborda asuntonan cu e Norte, no a duna comentario riba e bishita di Yun na Iran. Nort Korea a haci esfuerso pa lunas pa aumenta e visibilidad di su relacion cu Rusia y China mientras Kim ta purba sali for di isolacion diplomatico y ta participa den un union contra Merca.
Na 2023, Kim a bishita Rusia pa un cumbre cu Putin, cual a subraya e pais expandiendo cooperacion militar, incluyendo e supuesto transferencia di artilera, misil y otro municion pa Rusia. Na comienso di e luna aki, Kim a anfitriona oficial Chines Zhao Leji, ken ta lidera e parlamento ceremonal y ta number tres den e herarkia di e Partido Comunista. E tabata e reunion di nivel mas halto entre e dos pais den añas.
Diaranson, Kim Yo Jong, e ruman muhe di e lider Norte Koreano, a critica e ultimo rondanan di training militar di Merca y Sur Korea y a insisti cu e aliadonan nunca lo kibra e determinacion di e Norte pa construi “nos musculo militar mas poderoso.” E declaracion ta bin algun siman despues cu e embahador Mericano pa e Organisacion di Nacionnan Uni, Linda Thomas-Greenfield a yama pa e comunidad internacional sea alerta di e posibilidad di cooperacion militar entre Nort Korea, Iran y Rusia. Iran a ser acusa di provee drones pa Rusia pa usa den su guera contra Ucrania.
