WILLEMSTAD – Norman Serphos ta e hefe editorial y di redaccion nobo di Amigoe. E corant di a tardi di Corsou no tabata tin ningun persona den e posicion ey pa un tempo. E propietario Michael Voges actualmente ta ocupando ambos posicion.
Serphos a cuminsa di 1 di mei ultimo, pero e corant no a menciona su nomber. E corant tampoco no a raporta nada oficialmente.
Serphos tabata vocero di Ministerio Publico na Corsou pa hopi tempo, pero mester a bay di eynan despues di un asunto personal na unda cu el a haci un declaracion falso.
Norman Serphos a cuminsa como chef di pasterleria na Corsou. Esey a pone den contacto cu Radio Korsou FM, na unda finalmente el a ricibi un programa di entrevistanan periodistico despues di un programa di receta. Tambe el a traha pa Radio Hoyer.
Anteriormente Serphos a bolbe Hulanda pa traha como oficial di relacionnan publico pa cas Antillean na Den Haag. Na 2008 el a bira e vocero di prome minister Emily de Jongh-Elhage. Na 2010 Serhos a bira vocero di Ministerio Publico.
