Recientemente Minister di Enseñansa Señor dr. Armando R. Lampe, conhuntamente cu Oficina di Scolnan Publico (DPS) a nombra un Management Team Interino pa Colegio San Nicolas pa e aña escolar di 2020- 2021.
Di parti Oficina di Scolnan Publicota un placer pa presenta e Management Team Interino pa Colegio San Nicolas cual lo ta pa un aña escolar.
E Management Team Interino ta consisti di Señora Robin-Ann Didder BSc. y Señordrs. Samuel E. Dumfries cu ta presidi e MT Interino.
Señora Didder ta un docente autorisa di fisica y kimica ( NASK 1,2) y ta un analista kimico. E tin 24 aña di experiencia como docente. Tambe señora Didder a sigui curso di Higher Management cu specialismo den Leadership, Management Financiero y strategico y HR. Tambe e tabata docente di DOC opleiding como project manager y tabata parti di e Management Team di Serlimar Sui Generis, funcionando como Opertions Manager.
Desde 2012 Señora Didder tabata director suplente di e dependence di Juliana school. E tambe a funciona como miembro di rectorado di Colegio San Nicolas. E ultimo dos añanan Señora Didder tabata director suplente di Middag Mavo.
Señor Dumfries tin un doctoraal den biologia y tambe ta un docente autorisa di biologia.Señor Dumfries tin 20 aña di experiencia como docente local tambe internacional y a duna 10 aña les na Colegio Arubano y tabata sectie voorzitter di seccion di biologia.
Na Hulanda Señor Dumfries tabata director di Enseñansa di Arubahuis pa 4 aña. E tabata forma parti di e Management Team di Arubahuis y a publica diferente investigacion concerni tocante di e porcentahe di studiante cu ta bolbe bek Aruba despues di nan estudio y e investigacion tocante di e “ Switchgedrag” na unda nos studiantenan ta cambia pa un tal motibo di nan estudio den e promer aña di HBO- WO.
Señor Dumfries tabata Senior Policy Advisor pa e ministerio di Medio Ambiente, Policy Advisor na DNM y e ultimo añanan a traha na Departamento di Enseñansa como Project leader pa Educacion di Medio Ambiente, secretario di Stimulation Funds y e ta lidera e investigacion pa 4LO cu ta encera studiantenan cu ta bay studia afor y con nan ta adapta n’e proceso ey.
Señor Dumfries y Señora Didder ta hopi motiva pa tuma e reto aki y pa traha conhuntamente cu e team di Colegio San Nicolas, Ministerio OWDO y DPS pa logra como MTInterino e metanan fiha pa enseñansa,pa asina yuda nos enseñansa caminda e mucha ta para central.
