(NTN24) – Presidente di Colombia, Juan Manuel Santos, a responde diahuebs riba e declaracionnan haci pa su homologo Venezolano, Nicolás Maduro, bisando cu e “no pretende di uza pueblo Colombiano pa tapa e enorme fayonan di bo revolucion fracasa.”
Esaki a bin como reaccion riba declaracion di Maduro cu a sigura cu “miles di Colombiano ta pasa frontera pa haya medicamento” den e nacion cu e ta dirigi.
Santos a bisa cu “ta na Colombia, nos ta atendiendo cada biaha mas ciudadano Venezolano cu ni sikiera ta haya na nan pais e medicamentonan mas elemental.”
Ademas el a bisa cu “ningun hende por kere cu un pais manera Venezuela, cu ta sufri desabastecimento di e productonan mas basico, y unda a presenta enfermedadnan cu no a aparece pa decadanan riba e continente, manera difteria y sarampi, y cu ademas tin un indice di vacunacion bao di 50%, por ta capaz di brinda atencion na Colombiano den su teritorio.”
El a bisa cu desde hopi tempo caba Colombia a ofrece “su apoyo humanitario den materia di cuminda y medicamento, y gobierno Venezolano a nenga pasobra nan no kier acepta e crisis grave cu nan tin na nan man.” El a pidi Maduro pa no laga “cu su pueblo lo sufri mas di hamber y falta di medicamento.”
