Segun vocero di Maritieme Politie, e zona di ‘jet ski’ no ta marca na Eagle Beach y tampoco na otro partinan mas manera prome y no tin boei tampoco pa indica te na unda mag di yega. Esaki ta haci cu lama awendia ta un tiki mas peligroso pa turista y mester tin extra wowo riba nan.
Sinembargo, e companianan cu ta huur jet ski,wave runners of cualkier otro tipo di actividad riba lama tambe ta hunga un rol grandi pa locual ta seguridad di turista riba lama.
Maritieme Politie ta conta Bon Dia 24 cu e proyecto (RRIS) Ruimtelijke Inrichting Stranden ta bay haci un diferencia ora cu esaki wordo modifica atrobe y introduci den e luna di juni of juli di e aña aki. E proyecto aki ta den proceso pa mas cu 1 aña caba y ta awo e ta kedando cla, pa motibo cu tin hopi trabou envolvi tras di esaki.
E articulo completo lo sali den Bon Dia Aruba (edicion di diahuebs)
