(CuraçaoChronicle) – E hecho cu Corsou ainda no a firma e acuerdo administrativo COHO (Organo Caribense pa Reforma y Desaroyo) no tin consecuencianan mayor pa e obligacionnan financiero di gobierno. Esaki ta loke minister di Finanzas, Javier Silvania ta bisa riba su pagina di Facebook.
Siman pasa, vocero di Secretario di Estado Hulandes pa Asuntonan Interno y Relacionnan di Reino, Raymond Knops, a confirma cu Corsou, Aruba y Sint Maarten (islanan CAS) ainda no a bay di acuerdo cu e rijkswet.
Despues cu a yega na un acuerdo oficial, a firma un acuerdo administrativo dia 2 di december. E islanan CAS awo a pone un pausa na e acuerdo aki. “De hecho ta solamente un firma y despues e ley por pasa na e varios parlamento”, segun vocero di Knops.
Conseho di Minister di Reino a dicidi di pospone e trato di e documentonan te e proximo reunion, dia 21 di januari. Te e fecha ey, no ta bay paga sosten di likides. “Esaki no tin un impacto mayor riba obligacionnan financiero di gobierno”, Silvania a bisa. “Si e presupuesto anuncia pa 2022 no ta publica, e presupuesto di 2021 ta bay ta lider.”
Segun gobierno di Corsou, a cumpli cu tur condicion. Sinembargo, Knops lo a bin cu un condicion adicional na ultimo momento, y asina no a pone ningun firma. “Raad van State a critica e Memorandum di Amienda”, Silvania a skirbi. Segun e minister, ainda no tabatin discusion na nivel administrativo entre e cuatro pais tocante e cambio.
Riba potret: Javier Silvania via Vigilante di Korsou.
