Pa un temporada caba Landsrecherche Corsou (LrC), bou di mando di Ministerio Publico, ta haciendo un investigacion penal tocante di fraude cu sosten di corona comete dor di un ex-empleado di Desaroyo Social, Labor i Bienestar (SOAW).
Ta sospecha cu el a deposita sosten (placa) di corona riba su propio cuentanan di banco. Den cuadro di e investigacion, cu a cuminsa for di 8 di februari 2022, bou di mando di hues comisario (RC) y den colaboracion cu Cuerpo Policial di Corsou (KPC), a haci un entrada hudicial na cas di e ex-empleado aki. Durante di e entrada hudicial a confisca documento y portado di dato den interes di e investigacion. A detene e ex-empleado, un homber di 32 aña di edad. E investigacion ta continua y lo no haci mas comentario tocante di esaki na e momento aki.
Landsrecherche ta un organo investigacion independiente cu un tarea special. E ta orienta su mes riba persecucion di delitonan comete dor di funcionarionan (semi)gubernamental. Landsrecherche ta actua principalmente den e hambito di conducta castigabel cu gravemente ta afecta e integridad di e administracion di husticia y e integridad di e administracion publico.
