ORANJESTAD – ‘No ta mishi!’ ta yama e di tres edicion di e proyecto Kamishibai pa nos muchanan. E ta un storia den cuadro di combatimento preventivo di abuso sexual di mucha.
Kiko ta Kamishibai?
Kamishibai ta un arte di contamento di storia na un grupo di muchanan cu a origina na Japon.
Ta split e pintura y e texto facilitando e contamento di storia na e muchanan.
Riba un papel e pintura di e storia ta wordo inprimi pa dilanti mientras cu e texto correspondiente ta wordo inprimi patras di e sheet.
Adicionalmente ta haci uzo di un cashi di palo –un teatro- unda cu ta hinca e sheetsnan aden pa facilita y tambe crea mas drama den e contamento di e storia.
E resultado ta cu e grupo di muchanan sinta por wak e pintura dilanti hopi duidelijk mientras cu e maestro trankilamente por lesa e texto inprimi patras di e sheets.
Kiko e edicion 2015 di Kamishibai di Kiwanis club of Aruba ta encera?
E aña aki e club ta haci un donacion di e di tres storia pa mucha yama ‘No ta mishi!’ skirbi door di Liliana Braamskamp-Erasmus na tur e skolnan preparatorio y basico di Aruba.
source: NoticiaCla
