(NLTimes) – Probablemente lo ta imposibel pa implementa un prohibicion general di klapchi pa e bispo di aña nobo aki. Traha riba tur e condicionnan di e parlamentarionan pa e proyecto di ley lo tuma por lo menos 18 luna mas, y tin tur tipo di obstaculo practico y financiero cu mester supera, Secretario di Estado Chris Jansen di Transporte Publico y Medio Ambiente a bisa den un debate parlamentario riba e asunto, NOS ta informa.

E partido di Coalicion NSC a tira su sosten tras di un proposicion di GroenLinks-PvdA y PvdD pa un prohibicion general di klapchi diamars, brindando un sosten di mayoria grandi den parlamento. VVD tambe ta sostene e prohibicion. Tur dos partido di coalicion a pone condicionnan na e sosten ey.

VVD, por ehempel, kier pa Gabinete Schoof bin cu un plan detaya pa enforsa e prohibicion y combati klapchi ilegal. VVD y NSC tambe kier pa un plan di ChristenUnie ser traha den mas detaye. E partido Cristian kier permiti alcaldenan duna exoneracion pa cende klapchi, pero solamente den contexto di bario of asociacion. “Nos no kier descarta completamente e cendemento di klapchi,” Parlamentario di VVD Inge Michon a bisa.

Secretario di Estado di PVV, Jansen, ta pensa cu pa por elabora e plan aki e lo tuma “tempo” y lo dura por lo menos 18 luna. Esaki pa motibo cu introduccion di excepcionnan mesora ta lanta pregunta, manera parlamentario di JA21 Joost Eerdmans tabata lihe pa señala. “Mi por entrega un peticion tambe cu mi casa y yiunan?” Eerdmans kier a sa. Esey ta nifica cu no lo tin prohibicion di klapchi e anochi di aña nobo aki, Jansen a bisa.

GroenLinks-PvdA, PvdD, y ChristenUnie ta haya esey preocupante. ChristenUnie tin miedo di un “armagedon” – un termino biblico pa un catastrofe – si amantenan di klapchi por “laga los” pa un ultimo biaha. GroenLinks-PvdA a pusha pa urgencia. “Realmente e mester ta mas lihe posibel, pasobra un fecha di implementacion mas laat tambe ta trece cune un prijs pa e servicionan di emergencia y polis,” Parlamentario Jesse Klaver a bisa.

Hopi partido a subraya cu nan a haya un berguensa cu e tradicion Hulandes aki ta desapareciendo. Pero nan a agrega cu e hopi medidanan pa stop e violencia creciente contra di e prome respondientenan no a yuda. “Un prohibicion di klapchi no ta dibertido,” Klaver a bisa. Pero e iniciadornan no ta mira otro opcion.

Lider di BBB Caroline van der Plas tabata visiblemente molestia pa e prohibicion di klapchi cu tabata acercando. El a yama esaki incomprendibel puntrando con parlamentarionan kier pone un fin na un “fiesta dibertido caminda bon ciudadanonan ta cende weanan decorativo.”

Secretario di Estado Jansen a bisa cu Gabinete Schoof ta “neutral” tocante e prohibicion, pero lo cuminsa traha riba ehecucion solamente unabes cu parlamento a aproba e proyecto di ley definitivamente. Mescos ta conta pa compensacion – Jansen kier pa parlamento saca afo con ta bay compensa e sector di klapchi na momento cu e prohibicion drenta na vigor.

E “posicion dogmatico” aki a molestia parlamentario di ChristenUnie, Mirjam Bikker, particularmente.