Lisette Gomes di Fundashon Lisette Gomes a conta Bon Dia Aruba di un caso unda cu un tata ta busca custodia di su yiu y ta presenta prueba di cosnan ful fout cu ta tuma luga den presencia di su yiunan pero nada ta wordo haci. E tata ta mustra cu e pareha di e mama a haci wega laga serbete cay dilanti e muchanan y baila sunu nan dilanti, algo cu e mama mes a declara den corte y tambe cu nan ta tene relacion sexual dilanti di e mucha. A pesar di esaki Voogdijraad no ta yuda e persona den corte pa e gana su yiunan. El a entrega e keho aki na October y Voogdijraad por a pone e muchanan bou guia di un psichologo pa nan por haya un rapport, pero esaki no a sosode. “Kico ta costa pa haci mas pa saca un mucha for di un situacion asina, cu tur risico cu e ta bay lanta cu trauma y cu problema y evita e circulo vicioso cu nan ta bay pasa bek pa nan yiu.” Awe of mayan e muchanan aki wordo abusa, e ta hopi erg pasobra a haci hopi pa adverti y preveni, nada no a wordo haci. Den e caso aki lo mester castiga tur esunnan cu tabata sa tambe y a keda keto of mamanan cu ta keda cu homber pa placa entre otro mientras cu bo yiu su bida ta bay perdi, Sra. Gomes a enfatisa. Concluyendo el a bisa, esaki ta duna indicacion cu na Aruba bo mester wordo abusa sexualmente pa haya prueba pa kisas haya castigo pa e persona.
Mayan e tata ta bay publico cu tur detaye di e caso.
.jpeg "Ultimo añanan pedofielnan a ricibi castigo di 3 aña y mey, mientras maximo ta 12 aña")
