Pa locual ta trata e ley di Landsverordening Aruba Financieel Toezicht (LAft) nobo ainda Gobernador no a pone su firma riba dje.
Parlamentario Rocco Tjon ta haya cu e ta un proceso cu ainda mester cana, for di cu fraccion di MEP a bin cu cambionan den e ley aki. Nan a aproba e cambionan den e ley aki net prome cu reces na luna di mei ultimo. Segun lider di e fraccion, den e ley no ta stipula cual ta e periodo limite pa esaki wordo firma of no door di Gobernador.
Sinembargo, e ta consciente cu Hulanda tin hopi problema cu e cambionan cu nan a haci den e ley di LAft den Parlamento di Aruba. “E no ta un secreto cu Hulanda tin hopi problema cu e cambio aki cu Parlamento di Aruba a trece den e ley aki,” el a declara.
Te hasta e Secretario di Estado, Raymond Knops a uza e ehempel aki den un discurso cu el a duna den Tweede Kamer, ora cu nan a trata e ‘geschillenregeling’. Sinembargo, ainda no por bisa si Gobernador lo firma of no.
