(AP) — Nissan ta bay inverti $1.4 biyon pa actualisa su fabrica den nort oriente di Inglatera pa traha versionnan electrico di su dos auto mas bendi, un refuerso pa gobierno Britanico mientras ta purba rebiba economia di e pais.
E fabricante di auto Hapones ta fabrica e Qashqai di gasolin of hibrido, y e crossover mas chikito Juke na e fabrica na Sunderland, cu ta duna empleo na 6mil trahador.
Nissan Motor Co. a bisa ta invertiendo directamente hasta $1.4 biyon pa produci sucesornan electrico na e dos modelo. E placa tambe ta bay permiti “inversion mas amplio den proyectonan di infrastructura y e cadena di suministro, incluyendo un gigafabrica nobo” pa baterianan EV (vehiculo electrico) na e sitio, segun gobierno a bisa den un comunicado separa.
Prome minister Britanico, Rishi Sunak a bishita e fabrica pa e anuncio, posando pa potret cu hefe di Tesoro, Jeremy Hunt dilanti di un Qashqai blauw riba linea di ensamblahe, reuniendo cu trahadornan y ricibiendo un tour. E dia prome, Hunt a anuncia reduccion di impuesto y otro prioridadnan di presupuesto prome cu un eleccion nacional proximo aña, yegando mientras crecemento economico ta zwak na Reino Uni y su inflacion ainda halto ta primiendo consumidornan.
E Qashqai ta e di dos vehiculo mas popular na Reino Uni e aña aki, mientras cu e Juke ta na di siete. Nissan tambe a bisa cu ta bay traha e proximo generacion di su auto electrico Leaf na e fabrica.
E compania a bisa na 2021 cu tabatin plan pa construi un EV na e fabrica, ademas di baterianan traha pa proveedor AESC, propiedad di e Chines Envision. AESC ya tin dos gigafabrica na Sunderland, y e anuncio ayera ta agrega un di tres.
E futuro di Nissan na Sunderland tabata den duda anteriormente prome y despues di e voto di Reino Uni pa bandona Union Europeo. Oponentenan di Brexito a bisa cu bandona e bloc sin un acuerdo comercial lo daña economia Britanico pasobra companianan manera Nissan lo enfrenta tarifa riba exportacion pa UE.
Industria di auto ta preparando pa tarifanan comercial di 10% post-Brexit cu ta bin na vigor na januari. Nan ta menasa di aumenta e costo di EV nobo castigando fabricantenan den nan mercadonan respectivo pa no a busca suficiente di nan componentenan sea na UE of Reino Uni.
Hopi fabricante di EV ta bay haya dificultad pa cumpli cu e rekisito pasobra Europa ta cay tras di Asia den produccion di bateria. Sinembargo, Nissan ta e unico fabricante di auto den Reino Uni cu un planta dedica di bateria cerca.
Nissan ta join otro fabricantenan di auto den haci e transicion na produccion di EV den Reino Uni, maske Sunak a pospone un deadline pa stop benta di auto nobo di gas y diesel cu cinco aña, na 2035.
