Relaciona cu un otro crimen cu a shock comunidad di Aruba algun luna atras, cual ta homicidio di sr. Richard Fingal director di Serlimar, segun Ministerio Publico e sospechoso den e caso aki lo mester presenta den corte prome cu fin di e aña aki pero no por confirma esaki. E crimen aki a tuma luga riba 18 di Juli anto e sospechoso M.T. ta deteni desde e dia ey. ”Mi ta calcula cu e lo mester bin dilanti hues na October. ” OM ta bisa. No tin ningun pista nobo den e caso aki cual ta keto bay bao investigacion.
”Sa pasa cu no ta tur cos ta cla, sea pasobra fiscal kier tal cos of pasobra abogado tin ainda cierto peticionnan anto e ora hues ta determina e dia ey mes of un otro fecha,” vocero di OM ta bisa Bon Dia Aruba.
Rumornan cu a circula
Tin rumor cu ta e casa di e dama chines ta esun cu a mata Sr. Fingal anto cu e ta bay entrega su mes na polis, sinembargo Vocero di KPA , Sra. Liliana Rasmijn ta conta Bon Dia cu esaki no ta berdad,ningun di e rumornan aki ta berdad y cu ningun hende te ainda no a entrega nan mes pues ta e dama chines so ta sospecho. E investigacion riba e curpa ta mustra cu Fingal a muri door di hinca di cuchiu, segun husticia.
