(NLTimes)—Trahadonan hoben bao di e edad di 30 aña, specialmente esnan cu nivelnan di educacion mas abao, tin mas riesgo di desaroya desorden di drumimento si nan traha “night shift”, segun un estudio conduci pa cientificonan di drumimento for di GGZ Drenthe y e universidad di Groningen entre 37,000 hende Flamenco.
E riesgonan di desorden di drumimento ta mas halto durante night shift como tambe shiftnan cu ta keda cambia pero esaki ta aplica pa shiftnan den atardi y mainta trempan, segun NOS a reporta.
Mita di e hendenan cu ta traha night shift ta drumi menos cu seis ora pa dia. Tambe nan ta sufri di al menos un desorden di drumimento cronico. Mas cu un kwart tin al menos dos desorden di drumimento. E investigadonan a observa insomnia, hipersomnia, parasomnia, “sleep apnea”, desorden di movemento manera “restless leg syndrome” y disrupcion di e ritmo di drumi-lanta.
Segun e investigadonan, e efecto di trabao di shift riba drumimento ta “mas grandi entre hobennan cu educacion mas abao.” Nan ta indica cu nan ta drumi menos y sufri di mas desorden di drumimento. Esey por ta pasobra e grupo aki sa biba den casnan mas chikito compara cu empleadonan cu educacion mas halto, cual ta haci drumimento den dia mas dificil.
E naturalesa di e trabao tambe por hunga un rol, aunke e investigadonan no a investiga esey specificamente. Un trahado di night shift den un centro di distribucion tin mas riesgo di un desorden di drumimento compara cu un ciruhano di 50 aña, segun investigado Marike Lancel a conta NOS.
