Un rapper di Queens ta demandando Nicki Minaj pa mas di $200 miyon relaciona cu su cantica ‘Rich Sex’, cual e ta bisa Minaj a horta despues cu el a tok’e p’e.
Jawara Headley – un rapper di Queens cu ta usa e nomber Brinx Billions – ta demandando Nicki, bisando cu el a permiti Minaj scucha su version di ‘Rich Sex’ algun tempo prome cu 2016. Den e documentonan, obteni pa TMZ, Brinx ta bisa cu Nicki a bis’e cu e cantica lo ta extremadamente comercialisable y bira un hit global.
Pero Brinx – cu ta yama su mes un compositor, artista, productor musical, compositor y rapper – ta bisa cu Minaj a horta su cantica y a pon’e riba su album ‘Queen’. Jawara ta insisti cu e ta unico autor/creador/compositor/escritor/productor di ‘Rich Sex’. Interesantemente, Jawara ya ta aparece cu credito como compositor di ‘Rich Sex’ segun database di ASCAP.
Brinx ta bisa cu e conoce Minaj desde 2007, na momento cu nan a conoce otro riba MySpace, pero ainda e ta rabia cu su amigo supuestamente a horta su letranan, manera, “It ain’t such a thing as broke and handsome.” Mas aleu cu letranan, e ta bisa cu su cantica tambe tin musica, nota musical, areglo musical, beats y ritmo similar.
Brinx ta demandando Minaj, hunto cu Universal Music Group, Young Money y Cash Money, pa mas di $200 den daño.
