Un botin di 2.500 miyon dollar aproximadamente ta move na Nicaragua na ritmo di e sancion economico cu Merca a impone pa varios personahe y institucion liga cu corupcion y violacion di derechonan humano. Ta trata di parti di e fortuna cu Daniel Ortega ta maneha, cu a ser construi a traves di un decada di cooperacion petrolero Venezolano.
Ta conoci cu e botin aki tin, no menos, di tres fondo diferente den dos aña ultimo.
E prome fondo tabata e asina yama ‘Cooperativa de Ahorro y Credito Caja Rural Nacional Responsabilidad Limitada (Caruna)’. Esaki tabata un negoshi bieu y chikito cu desde su origen na 1992 tabatin vinculo cu e Frente Sandinista di Liberacion Nacional, e partido cu a bolbe goberna Nicaragua desde 2007.
For di e momento ey te e fecha actual, e recurso modesto di e cooperativa antiguo di spaar y credito a alcansa operacionnan financiero di miles di miyon di dollar, pa via cu e Presidente Daniel Ortega, cu su maniobra, a desvia e caha pa e fondo di e cooperacion petrolero di Venezuela te Nicaragua.
P’esey, e administracion Ortega y na e momentonan ey Hugo Chavez, a crea un empresa yama Albanisa (Alba di Nicaragua Sociedad Anonima), cu 49% di accion na fabor di e regimen di Nicaragua y 51% na fabor di e empresa madre, Petroleo di Venezuela (PDVSA).
Ya construi caba, Albanisa a dedica na inverti y administra di manera priva e fondo di e cooperacion Venezolano y transferi e fondo pa Caruna, cu e cooperativa rural chikito a yega di converti na esun di e rikesa mas poderoso di Centro America.
E economista, Enrique Sáenz, disidente di e Frente Sandinista y awe den exilio pa motibo di su postura di oposicion cu Ortega, a splica cu e esfuerso desespera di Ortega pa sconde e Petrodolar, Albanisa a keda afecta bou punto di mira, menasando asina e empresa di e famia gobernante di Nicaragua.
