Nicaragua: Gobierno no ta ofrece informacion di personanan desaparecido pa regimen di Ortega

E abogado Pablo Cuevas, asesor di e Comision Permanente di Derechonan Humano (CPDH), ta bisa cu e informacion tocante e persona cu a desaparese como resultado di e represion di e regimen di Daniel Ortega pa e rebelion ciudadano. “Pero si tin desaparecido”, el a sigura.

Cuevas mes ta atende cinco caso di Nicaragueño desapareci, otro funcionarionan di su oficina ta encarga di otro mas. Nan no por revela nombernan pa prudencia y pa motibo cu famianan tin miedo di represalia.

E ta bisa cu no tin un lista unico pasobra e informacion “ta variabel” y ta existi varios manera di hendenan desapareci.” Tin hende cu ta den e condicion ey pa oranan, otro pa lunanan y tin otro cu lo bay ta pa añanan y no ta aparece”, el a bisa. E cinco caso cu e ta atendiendo ta pertenece den categoria ultimo aki.

“E tema di e desaparecidonan ta esun cu menos nos por documenta, pa motibo di gravedad extremo di represion, y ami ta teme cu nos lo por ta sorprendi di su dimension”, Gonzalo Carrion antiguo funcionario di e Centro Nicaragueño di Derechonan Humano (CENIDH) y cu awor ta na e exilio, na unda e ta traha desde e organismo “Nicaragua Nunca +”. Tambe e ta kere cu e cifra berdadero di hendenan desapareci “lo por hasta conoce caida di e dictadura di Daniel Ortega”.

“Ora cu hende sospecha cu Polis a participa den e desaparicion di nan famia, nan no ta haci denuncia na wardanan di Polis, pa motibo cu nan tin miedo cu nan por ser reconoci of eynan mes nan wordo deteni, como den algun caso a sosode”, el a señala.