(LaPrensa) – Daniel Ortega mester permiti entrada di inmediato di Organisacion di Estadonan Americano (OEA) y Organisacion di Nacionnan Uni (ONU) na Nicaragua; esey ta e proposicion cu e ekipo negociador di Alianza Civico pa Husticia y Democracia ta hiba na mesa awe.
E idea ta cu ambos organismo internacional lo participa como garante na mesa di negociacion cu lo inicia awe na Managua, pa busca un salida di e risis politico prolonga den cual e pais ta pasando desde 18 di april 2018.
Azahalea Solis, integrante di Alianza Civico y miembro suplente pa Carlos Tünnermann, a splica cu na inicio di e Dialogo Nacional lo enfoca riba conoce e propuestanan y e dinamica di e proceso pa e partidonan.
Solis no tabata kier a divulga e nombernan di e organismonan internacional cu Alianza Civico ta propone, pero dos fuente di e organisacion a confirma pa e corant La Prensa cu efectivamente ta trata di OEA y ONU.
“Si no tin garante di calidad manera OEA y ONU, anto lo ta bira acuerdo firma riba papel muha, o sea, cu nan no bal nada,” un di e fuentenan cu a pidi anonimato , a comenta.
Otro di e puntonancu ta debati ainda entre e bandanan ta e lugar unda lo tene e proceso di dialogo. E analista politico Jose Davila a sigura cu e calidad y transparencia di e garantenan lo marca e cumplimento di e acuerdonan.
